2022 жылы 20 қазан күні Хадиша Бөкеева атындағы Батыс Қазақстан облыстық қазақ драма театрында "Мақсат" Орал Жоғары медициналық колледждің 1-курс студенттері "Гиппократ антын" қабылдады.

Салтанатты шараны колледждің бірінші басшысы Берген Мақсот Қабышұлы құттықтау сөзімен ашып, колледж ұстаздары мен студент-жастарының жаңа бастамаларына сәттілік тіледі.

Әлемде бірнеше ардақты да құрметті мамандықтар баршылық. Солардың бірі, әрі бірегейі - дәрігер, яғни ақ халатты абзал жандар. Себебі, олар "адам жанының арашасы". Іс шарамыз әрі қарай колледж студенттерінің дайындаған сахналық қойылым - концертіне ұласты. Сөйтіп, ақ халатты абзал жандардың мерекесі көрермендердің көңілінен шығып, жиналған қауымға көтеріңкі көңіл сыйлады.

Мерекелік шараға қатысқан студенттерге алғыс білдіреміз.

Колледж әкімшілігі.