Көктем - сұлулық пен талант мерекесі!

Жыл сайын біздің колледжде «Мақсат аруы» сұлулық пен талант байқауы өтеді, ол студенттер үшін ең тартымды іс-шаралардың бірі деп санауға болады. Биылғы байқауда: өзін таныстыру, эрудицияларын көрсету, кешкі көйлек кезеңдеріне қатысушы 8 студент өздерін әдемі қорғай білді. Сынға түскен қыздарды «Мақсат аруы-2019» жеңімпазы Айталиева Анаргүл, «Вице Мақсат-2019» Казиева Айнур демеп, қолдап отырды.

Дауыс беру қорытындысы бойынша қазылар алқасы: С.А.Талпақова – колледж психологы, «Арнайы пәндер оқытушысы» - Ж.Т. Жаунбаева, №2 қалалық кітапхана маманы – М.К. Акимова, «Мақсат аруы-2019» жеңімпазы Айталиева Анаргүл, «Вице Мақсат-2019» Казиева Айнур «Мақсат аруы-2021» атағын Ғұмар Мерейге беріп, жеңімпаз тәжімен марпаттады. «Вице Мақсат-2021» атағы Казиева Жұлдызға беріліп, Жетписова Бибинур, Нелепко Светлана, Наурзғали Гауһар, Қайыралиева Жулдыз, Ситкереева Милана, Журмагамбетова Жулдыз, Соколова Зарина дипломдармен марапатталды.

1-курс студенттері көрермендерге тамаша музыкалық номерлер дайындап, байқаудың әсерлі өтілуіне өз үлестерін қосты. Бұл нағыз көктемнің, сұлулықтың мерекесі болды! Қатысушыларға жаңа жеңістер мен жетістіктер тілейміз!